Kawitan Marista ~ Pingkalungan

Kawitan marista saurangan
maniring anak bila sudah ganalan
bagawi jauh di bandar
cuma Hari Raya hanyar bulikan
manggalur matukah datangan
mambawa cucu-cucu  nang kada bisa mandi
dalam paparitan bandang.

Bila malam kawitan marista lagi
cucu-cucu gigir kanyamukan
kada ada airkon, kada ada lampu letrik,
kada ada kipas angin,
kada ada banyu pait banyunya jaranih.

Marista lagi kawitan
minantu kada bisa bahasa Banjar
cuma takurihing mandangar surah
sambil takalium panjang manggawil
laki nang sasain pilat basasambat
pada hal bahari hari² baharaung:
umak!…umak!…umak!…

Kawitan marista lagi…
kaya ini rupanya anak cucuku
bila bagana di bandar
biila bagawi di bandar
bila babini awan orang bandar.

Esuk atawa bilakah?
kaadaan hingkat baubah manjadi kanyataan
awan harapan kawitan
anak cucu manjadi sabujurnya
anak-anak Banjar
tapi..bukan samata bakaturunan Banjar.

Pingkalungan
Buletin Banjar. Bil 02/2002 ( Oktober)

Tinggalkan Jawapan

Masukkan butiran anda dibawah atau klik ikon untuk log masuk akaun:

WordPress.com Logo

Anda sedang menulis komen melalui akaun WordPress.com anda. Log Out / Tukar )

Twitter picture

Anda sedang menulis komen melalui akaun Twitter anda. Log Out / Tukar )

Facebook photo

Anda sedang menulis komen melalui akaun Facebook anda. Log Out / Tukar )

Google+ photo

Anda sedang menulis komen melalui akaun Google+ anda. Log Out / Tukar )

Connecting to %s

%d bloggers like this: